MUSAS - Mianwali United Sons And Sisters

ڈاکٹر حنیف نیازی

بانی و روح رواں

تنظیم کا تعارف و پس منظر

14 اگست 2017 کو ڈاکٹر حنیف نیازی نے فلیور سٹی ہوٹل میانوالی میں اپنے ساتھیوں کی موجودگی میں ایک پر وقار تقریب میں 'موساز' (MUSAS) کی بنیاد رکھی۔ MUSAS دراصل 'Mianwali United Sons And Sisters' کا مخفف ہے۔ اس کا ماخذ لفظ 'موسیٰ' ہے جو کہ انقلاب کا استعارہ ہے اور ڈاکٹر حنیف نیازی کے بڑے بیٹے کا نام بھی ہے۔ موساز میانوالی میں 'انقلاب بذریعہ تعلیم' کی داعی ہے اور اپنے منشور 'مشنِ عطاء سے وفا' (جو کہ میانوالی کے نامور ماہرِ تعلیم سید عطاء محمد شاہ صاحب رحمتہ اللہ علیہ کے نقشِ قدم پر چلتے ہوئے ہے) پر کاربند ہے۔ اس کا مقصد معمولی سا معاشی و تعلیمی پسِ منظر رکھنے والے والدین کے بیٹوں اور بیٹیوں کو مستقبل کا ڈاکٹر، انجینئر، وکیل، جج، ماہرِ معاشیات اور آئی ٹی ایکسپرٹ بنانا ہے۔

فلسفہِ بنیاد

"بظاہر تو ڈاکٹر حنیف نیازی نے موساز کی بنیاد رکھی لیکن درحقیقت موساز سے ہی ڈاکٹر حنیف نیازی نے جنم لیا ہے۔ موساز کا تصوراتی جنم اس وقت ہوتا ہے جب ایک ایسا طالب علم (حنیف نیازی) جو پہلی کوشش میں میٹرک کرنے میں ناکام ہو جاتا ہے۔ پھر کمزور معاشی پسِ منظر کے ریلے میں بہہ کر کبھی ٹریکٹر ڈرائیور، کبھی چوکیدار، کبھی نائب قاصد تو کبھی لکڑہارے کے روپ میں رزق کی تلاش میں چار سال مارا مارا پھرتا ہے۔ پھر دوبارہ تعلیم سے جڑتا ہے۔ رب ذوالجلال کے بے پناہ کرم، استاد عطاء محمد شاہ کی کمال شفقت، والدین کی لازوال قربانیوں، محسنوں کی بے مثال مہربانیوں اور اپنے جوہر استقلال کی بدولت ڈاکٹر بن کر لوٹتا ہے۔ یہیں سے موساز عملاً وجود میں آتی ہے جب ڈاکٹر حنیف نیازی نہ صرف ایک جیتی جاگتی مثال بن کر میدان عمل میں اترتے ہیں بلکہ اپنا تن، من، دھن اور وقت صرف اس خواب کی تعبیر پہ نچھاور کر دیتے ہیں کہ اب کوئی بیٹا یا بیٹی صرف اس لیے اعلیٰ تعلیم سے محروم نہ رہ جائے کہ اس کے پاس وسائل نہیں تھے۔"

ہمارا مشن اور منشور

غریب والدین کے بچوں کو ڈاکٹر، انجینئر، وکیل اور ماہرین بنانا تاکہ وہ ملک و قوم کی خدمت کر سکیں۔ ہم سید عطاء محمد شاہ صاحب کے مشن "مشن عطاء سے وفا" پر کاربند ہیں تاکہ وسائل کی کمی کی وجہ سے اب کوئی بھی بیٹا یا بیٹی اعلیٰ تعلیم سے محروم نہ رہے۔

شعور کی بیداری

طلباء میں تعلیمی لگن اور آگے بڑھنے کا جذبہ پیدا کرنا۔ ہمارا مقصد نوجوانوں کے ہاتھوں سے ہتھیار لے کر انہیں قلم اور کتاب کا وارث بنانا ہے تاکہ امن قائم ہو۔

آئیے فساد کے بجائے فلاح کا راستہ چنیں اور عہد کریں کہ ہم "لڑنے والوں کا نہیں، پڑھنے والوں کا ساتھ دیں گے۔"

مضبوط برادری

ہم میانوالی کے ان تمام مخلص اور دردِ دل رکھنے والے افراد کو ایک پلیٹ فارم پر یکجا کر رہے ہیں جن کا مقصد صرف خدمت اور خیر خواہی ہے۔

یہ نیٹ ورک باہمی تعاون اور اعتماد کی بنیاد پر ایک ایسی مضبوط برادری تشکیل دے گا جو خوشی اور غم میں ایک دوسرے کا بازو بنے۔

روشن پاکستان

"موساز میانوالی" خالصتاً قومی مفاد اور حب الوطنی کے جذبے سے سرشار ہو کر ایک روشن پاکستان کی تکمیل کے لیے "انقلاب بذریعہ تعلیم" کی داعی ہے۔

یہ تعلیمی تحریک صرف کیریئر سازی تک محدود نہیں بلکہ اس کا مقصد معاشرے میں یگانگت، رواداری اور امن و سلامتی کو فروغ دینا ہے۔

کارکردگی رپورٹ

(August 2021 - November 2025)

موساز کی شفافیت اور مالیاتی کارکردگی کا جائزہ

سالانہ مالیاتی تقابل

تفصیل اسکالرشپ

#	نام مستحق	سال 1	سال 2	سال 3	سال 4	اگست-نومبر 25	کل رقم
1	Muhammad Shakir	120,435	148,120	-	-	-	268,555
2	Sarmad Hussain	40,380	20,000	-	-	-	60,380
3	Muhammad Umair	23,000	12,000	-	-	-	35,000
4	Miraj Bibi	17,240	-	-	-	-	17,240
5	Muhammad Junaid	52,000	83,500	81,000	88,500	5,500	310,500
6	Muhammad Rizwan	25,900	-	-	-	-	25,900
7	Abdul Haseeb	5,000	-	-	-	-	5,000
8	Aleena Zara	2,000	-	-	-	-	2,000
9	M. Azahr Ud Din	10,000	45,550	-	-	-	55,550
10	Muhammad Aqil	25,000	50,240	56,330	-	-	131,570
11	Muhammad Zeeshan	28,350	60,070	106,000	120,550	56,350	371,320
12	Asma Sajid	7,000	84,000	77,000	-	-	168,000
13	M. Karam Ullah	-	162,000	153,000	135,000	50,000	500,000
14	Eman Abdullah	-	120,000	144,000	144,000	48,000	456,000
15	Meer Aftab	-	65,000	195,280	15,000	8,000	283,280
16	Razia Bibi	-	35,000	25,000	-	-	60,000
17	M. Bilal Khan	-	65,000	195,000	65,000	-	325,000
18	M. Sheraz Dost	-	58,000	-	-	-	58,000
19	Muhammad Anas	-	74,000	195,000	65,000	-	334,000
20	Tayyab Bilal	-	-	121,500	122,000	-	243,500
21	Misbah Ul Karim	-	-	56,000	61,000	-	117,000
22	Noman Mukhtar	-	-	70,000	120,000	68,000	258,000
23	Saqib Sharif	-	-	37,440	74,880	47,940	160,260
24	Binyameen	-	-	150,000	-	-	150,000
25	Inam Ullah	-	-	-	102,130	20,000	122,130
26	Asif Nawaz	-	-	-	100,000	-	100,000
27	Ali Hassan	-	-	-	76,000	38,000	114,000
28	M. Asad Rehman	-	-	-	144,720	74,340	219,060
29	Danish Khan	-	-	-	50,000	10,000	60,000
30	Adeel Raza	-	-	-	48,000	48,000	96,000
31	Rameen Sarosh	-	-	-	36,000	40,000	76,000
32	Muhammad Bilal	-	-	-	-	27,500	27,500
33	Nashrah Rabail	-	-	-	-	40,000	40,000
34	Hamda Noor	-	-	-	-	-	-
35	Hina Ramzan	-	-	-	-	26,840	26,840
36	Yasir Abbas	-	-	-	-	16,000	16,000
37	Ali Hassan	-	-	-	-	16,000	16,000
	Total	356,305	1,082,480	1,662,550	1,531,780	630,470	5,257,585

موساز (MUSAS) اسکالر شپ پروگرام

میرٹ اور شفافیت

کن کن صورتوں میں سکالرشپ روکی جا سکتی ہے؟

سٹوڈنٹ معلومات فراہم کرنے میں کسی قسم کی غلط بیانی یا چھپانے کا مرتکب پایا جائے۔
سٹوڈنٹ جاری ڈگری کو تبدیل کرے یا اس کی تعلیمی کارکردگی تسلی بخش نہ ہو۔
سٹوڈنٹ موساز سکالرشپ کو چھپائے یا اس کے پرچار میں لیت و لعل کا مظاہرہ کرے یا موساز کے ذمہ داران سے عدم تعاون کرے۔
سٹوڈنٹ کسی بھی قسم کے دوسرے ذرائع (سرکاری و غیر سرکاری امداد) سے موساز کو بروقت آگاہ نہ کرے۔

موساز سکالرشپ اہلیت اور شرائط

موساز کے مروجہ فارم کے ساتھ میٹرک و انٹرمیڈیٹ کی اسناد، یونیورسٹی داخلے کی تصدیق، شناختی کارڈز، بے فارم اور بجلی کے بل کی کاپی جمع کروانا لازمی ہے۔
1۔ سٹوڈنٹ بنیادی طور پہ ضلع میانوالی سے تعلق رکھتا ہو۔
2۔ سٹودنٹ اپنی بارہ سال تعلیم (ایف ایس سی/ایف اے/آئی کام) مکمل کر چکا ہو۔
3۔ سٹودنٹ میڈیکل، انجنیئرنگ، لاء، کمپیوٹر یا بزنس کی کسی بھی چار/پانچ سالہ ڈگری کا سٹوڈنٹ ہو۔ CGPA کم از کم 3.0 ہو۔
6۔ سٹوڈنٹ مالی طور پہ کمزور جبکہ تعلیمی لحاظ سے بہترین ہو۔
7۔ والدین کی مجموعی ماہانہ آمدن 70,000 روپے سے کم ہو۔
8۔ سٹوڈنٹ میں آگے بڑھنے کی غیر مشروط لگن ہو اور وہ ہر قیمت پر ڈگری مکمل کرنے کا حوصلہ رکھتا ہو۔
9۔ سٹوڈنٹ موساز سکالرشپ کو بطور اعزاز قبول کرے اور ہر فورم پہ اس کا پر اعتماد اظہار کرے۔
10۔ سٹوڈنٹ تعلیم مکمل کرنے کے بعد موساز کے ساتھ تعاون کا ارادہ ظاہر کرے۔
11۔ کم از کم 3 سی جی پی اے برقرار رکھے اور ہر سمسٹر کے رزلٹ سے انتظامیہ کو آگاہ کرے۔
12۔ کسی دوسری سکالرشپ کے ملنے کی صورت میں موساز کو فوراً آگاہ کرے۔
نوٹ: یہ خیرات نہیں بلکہ ایک اعزاز ہے۔